khalish

Dhoop ke dhaage se bandhi hamari parchayiaan;
Khuda tere haathon mein hum lete rahey angdaiyaan.

Dil ne chaaha bahut, tamannayein karti rahin kaarobar;
waqt ka samandar,dubata gaya sab ko barbar.

chaandi bhari raaton mein khwaab sajaatey rahey hum;
Subah ki aag mein jal gaye, haath mein ujaale they bade kum.

lamha

Titli ke paron par baith kar aa jaata hai,Raat ki madham roshni mein dikh jaata hai.

Aankhon se na jaane kaise palkon ke kinare utar jaata hai,Chehre par shikan ho to Hothon mein simat jaata hai.

kai baar dil ki dhadkan ke saath sunayi deta hai,saanson ke narm bister par bhi angdayi leta hai.

lagta hai os ki boondon mein chip ke rehta hai yeh,phir kaise baarish mein mitti si khushboo deta hai.

Mujhe lagta tha woh koi chehra hai; jise paane mein duniya mein aaya hoon,ab jaana hai ki woh lamha hai pyaar ka jo reh reh ke nasha karta hai.

haan lamha justjoo ka hai jo aag jalaaye baitha hai,Karvaan tishnagi ka hai, jo mashal thaame baitha hai.